قصة شاب تاب الى الله بسبب (واخرتها ايه؟..)

مشرفة 19/07/2009 104

بسم الله الرحمن الرحيم
:يقص احد الشباب قصة توبته فيقول

جلست مع نفسي أفكر في حالي وسألت نفسي أخرتها إيه ؟؟؟

بأسمع أغنيه وتخلص وتبدأ أغنيه تانيه وأغنيه تالته وبعدين .........

ينزل ألبوم جديد أكون أول حد يحمله ويسمعه ويحفظه وبعد كدا هيحصل إيه ؟؟؟

مللت من الأغاني العربيه بدأت أسمع الغربي قلت يمكن أحس إني سعيد وفرحان ومرتاح بس للأسف شعور الملل والكآبه رجعلي تاني بسرعه

طيب أخرتها إيه بعد كل الأغاني دي هاوصل لأيه ؟؟؟؟

أنا هدفي إيه من سماعي للأغاني دي ؟؟؟

أنا بدور علي السعاده في الأغاني بس أنا ملقتهاش بلعكس أنا بتخنق أكتر !!!

أنا بيني وبين نفسي عارف إنها حرام وكل أغنيه بسمعها بتقل ميزان سيئاتي . وذنوب هاشيلها علي ظهري يوم القيامه ومش بس ذنوبي دا كل حد ساعدته إنه يسمع أغنيه أنا هاشيل ذنبه لو لم أتوب.

وكمان أنا عارف إني مبقتش مستمتع بسماعها طيب أخرتها إيه ؟؟؟

هافضل كدا لحد أمتي لحد لما أموت وانا بسمع الأغاني وأقابل ربنا وأنا علي الحال ده ؟؟؟

هكون وقتها كسبت إيه في الدنيا وفي الأخره

أنا عارف إن من ترك شئ لله بدله الله خير منه طيب أنا مستني إيه ؟؟؟

أنا مستحيل أعيش وأموت من غير ما أذوق نعم ربنا في الدنيا

أنا لازم أرجع لربي وأفر إليه وأقوله ياربي سامحني أنا ظلمت نفسي كتير وتهت كتير

بس أنا من النهارده هاتوب وأعاهد ربي علي إني مش هاسمع أغاني أبدا أيوه أنا مش ضعيف عشان أغنيه تخليني أضيع ديني ودنيتي وأخرتي و أعصي ربي الذي أمهلني حتي الآن ولم يقبض روحي وأنا علي المعصيه و سترني كتييييير ولم يفضحني أبدا.

سأنطلق إلي الله وأسأله أن يخرجني من الظلمات إلي النور

سوف أقرأ القرآن كل حرف بحسنه والحسنه بعشر أمثالها والحسنات يذهبن السيئات

القران راحه نفسيه وسكينه وشفاء لما في الصدور

القرآن نور ليا في الدنيا وفي القبر وعلي الصراط

القرآن سوف يشفع ليا يوم القيامه ويرفع درجتي في الجنه

هذا هو الهدف الذي يستحق فعلا أن أعيش عشانه وأموت عليه نعم الجنه تستحق

أنا دلوقتي مرتاح جدا وحاسس براحه لم أحس بها في أي أغنيه سمعتها

أنا تبت ليك يارب تبت عن سماع الأغاني

{ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ }
بلي يارب آن ** بلي يارب آن

</A></I></U>