Heba عضو مبدع
15/07/2009 208
| موضوع: انا ايجابى مش سلبى 29/08/09, 08:58 pm | |
| اكيد كل واحد فينا بتقابله مشكلات كتيرة فى حياته فى ناس بتقف و مش بتقدر تكمل طريقها و بياخدو العزله و الهروب من المشكلة حل ليهم بالنسبة ليهم ده احسن طريقة لمواجهة المشاكل انه يبقى انسان سلبى ممكن يكون فى ايده كل الحلول بس هو غافل عنها مش شايف قدامه غير الفشل مش بيدور على النجاح كل اللى بيفكر فيه هو ازاى يبعد عن المشاكل بانه يهرب منها و يقنع نفسه ان مافيش فى ايده حاجة يعملها مع انه لو فكر و لو لمدة دقيقة هيلاقى فى ايده 100 حل وحل لو فكر مرة واحدة بطريقة ايجابية هيقدر يحل مشاكله
ليه دايما نقول و انا مالى هى كانت مشكلتى
ليه دايما نقول مفيش فايدة
ليه دايما نقول انا هوجع دماغى ليه
ليه دايما نقول يعنى هو انا اللى هغير العالم
ليه دايما بنتكلم بلغة سلبية محبطة لا تدعو الى التفاؤل ليه منتكلمش بايجابية و لو مرة واحدة فى حياتنا
ايه رايك لو صحيت كل يوم الصبح بصيت فى المرايا و قولت لنفسك انا لازم اعمل حاجة انا لازم اغير حياتى انا لازم احل مشاكلى انا لازم يبقى ليا دور فى الحياة انا هقدر ......................بس لو فكرت بايجابية
دعوة للجميع انا ايجابى مش سلبى
كل واحد يسال نفسه انا اقدر اتحمل المسؤلية؟ انا دورى ايه فى الحياة ؟ انا بعمل ايه مفيد؟
فكرت فى يوم تبدأ حاجة جديدة فى حياتك حاجة تغير حياتك من السلبية الى الايجابية
هل انت ايجابى ام سلبى؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|